Махфийлик сиёсати

Сафа — бомдодга уйғонишга ёрдам берадиган илова. У ишлаши учун сиздан ҳеч қандай шахсий маълумот талаб қилмайди: аккаунтсиз, исмсиз ва суратсиз ҳам будилник, намоз вақтлари ва миссиялар тўлиқ ишлайди.

Сиз бирор нарса қўшсангиз — исм, сурат, ҳисоб — улар сиз учун сақланади ва исталган пайт ўчирилиши мумкин.

• Миссия учун ёзилган овоз қурилмангиздан чиқмайди.
• Жойлашувингиз ҳеч қачон серверга юборилмайди ва ҳеч ким билан улашилмайди.
• Ҳомийлик миқдорлари ҳеч қачон бошқаларга кўрсатилмайди.
• Реклама йўқ. Маълумотларингиз сотилмайди.

Аноним аккаунт. Иловани биринчи очганингизда сервер сизга тасодифий рақам (ID) беради. Унда исм ҳам, email ҳам, телефон рақами ҳам йўқ. Серияларингиз ва нишонларингиз шу рақамга боғланади.

Кириш (ихтиёрий). Telegram орқали кирсангиз, биз Telegram берган рақамингизни сақлаймиз — шу рақам аккаунтингизни янги телефонда тиклаш имконини беради. Парол сақланмайди.

Профил (ихтиёрий). Исм, тўлиқ исм, жинс, туғилган сана, сурат ва мамлакат — сиз киритсангизгина. Ҳар бирини истаган пайт ўзгартириш ёки ўчириш мумкин.

Уйғониш ёзувлари. Қайси кун бомдодга уйғонганингиз, қайси миссияни бажарганингиз ва серияларингиз. Бу маълумот аввало телефонингизда сақланади; аккаунтингиз бўлса, уни бошқа қурилмада тиклаш учун серверга ҳам нусхаланади.

Ҳомийлик. Тўловни ташқи тўлов хизмати қабул қилади — Сафа сизнинг карта маълумотларингизни кўрмайди ва сақламайди. Бизга фақат тўлов бўлгани ҳақидаги хабар келади.

Мурожаатлар. Сафага ёзган саволингиз ва жавоблар сақланади, токи суҳбат тугагунча.

Билдиришномалар. Push учун қурилмангизга Google берган техник токен сақланади. У сизнинг кимлигингизни билдирмайди.

Қуйидагилар сервeрга ҳеч қачон юборилмайди:

• Овоз. Оят ўқиш миссиясида микрофон фақат шу экран очиқ турганда ишлайди. Овоз телефоннинг ўз нутқ таниш тизимида қайта ишланади, ёзиб олинмайди ва сақланмайди.
• Жойлашув. Намоз вақтлари ва қибла йўналиши учун ишлатилади, телефонда сақланади. Серверга юборилмайди.
• Ҳаракат. Юриш миссияси акселерометрни фақат шу экранда ўқийди.
• Камера. QR/штрих-код миссиясида ва профил сурати учун очилади. QR коднинг ўзи фақат телефонда сақланади.

Сафада шарҳлар, лайклар ва шахсий хабарлар йўқ.

Профилингиз. Янги аккаунтларда профил очиқ бўлади: исмингиз, суратингиз ва нишонларингиз бошқаларга кўринади. Буни Профил → таҳрирлаш бўлимида истаган пайт ўчириб қўйишингиз мумкин.

Рейтинглар. Рейтингда кўриниш алоҳида, ва у ўз-ўзидан ёқилмайди — сиз ёқмагунингизча у ерда бўлмайсиз.

Ҳомийлар девори. Ҳомийлик қилсангиз, исмингиз деворда кўриниши мумкин. Миқдор ҳеч қачон кўрсатилмайди.

Дуолар. Юборган дуоларингиз танланган иборалардан иборат; эркин матн йўқ.

Маълумотларингиз сотилмайди ва реклама учун ишлатилмайди. Улар фақат иловани ишлатиш учун зарур бўлган хизматларда сақланади:

• Hetzner — маълумотлар базаси, аккаунтлар ва alarm.mysafa.uz сайти турган сервер (Финляндия, Хельсинки). Сервер бизники, маълумотлар ундан чиқмайди.
• Google Firebase — фақат push билдиришномаларини етказиш учун.
• Telegram — фақат сиз Telegram орқали кирсангиз.
• Тўлов хизмати — фақат сиз ҳомийлик қилсангиз; тўловни ўша хизмат ўз сиёсати асосида қабул қилади.

Қонун талаб қилган ҳолларда маълумот берилиши мумкин. Бошқа ҳеч қандай ҳолда эмас.

Кўчириб олиш. Профил → Маълумотларимни олиш орқали сизда сақланган ҳамма нарсани файл кўринишида олишингиз мумкин.

Ўчириш. Профил → Аккаунтни ўчириш серверда сақланган ҳамма нарсани ўчиради. Бу қайтарилмайди.

Тўхтатиш. Билдиришномаларни, рейтингни ва очиқ профилни истаган пайт ўчириб қўйиш мумкин — иловадан чиқмасдан.

Саволингиз бўлса: илова ичидаги «Ёрдам» бўлими орқали ёки privacy@mysafa.uz манзилига ёзинг.

Сафа болалар учун мўлжалланмаган. Биз атайлаб 13 ёшгача бўлган болалардан маълумот тўпламаймиз. Агар шундай маълумот келиб қолгани маълум бўлса, уни ўчирамиз.

Бу сиёсат ўзгарса, саҳифадаги сана янгиланади. Муҳим ўзгаришлар ҳақида илова орқали хабар берамиз.

Масъул: Safa. Алоқа: privacy@mysafa.uz.